- Universidade de Vigo. Periodismo – Área de conocimiento 675 - http://icom.webs.uvigo.es -

Gloria Solé aposta polo feminismo reformista que promove a igualdade de oportunidades respectando as diferenzas

Interveu nunha conferencia na Facultade de Ciencias Sociais e da Comunicación

A profesora Gloria Solé Romeo, doutora en Historia Contemporánea e investigadora do feminismo, impartiu hoxe na Facultade de Ciencias Sociais e da Comunicación, convidada pola Sección Departamental de Comunicación, unha conferencia titulada Feminismo e cambio social, avances principais no ámbito educativo/profesional. Alianzas e redes sociais. No seu relatorio Solé revisou a integración profesional da muller desde unha perspectiva histórica para comprender cal é a súa situación actual, que na súa opinión ten como reto a conciliación familia-traballo en igualdade para o home e a muller.

Esmeralda L. Castro | Pontevedra

A profesora Gloria Solé Romeo, doutora en Historia Contemporánea e investigadora do feminismo, impartiu hoxe na Facultade de Ciencias Sociais e da Comunicación, convidada pola Sección Departamental de Comunicación, unha conferencia titulada Feminismo e cambio social, avances principais no ámbito educativo/profesional. Alianzas e redes sociais. No seu relatorio Solé revisou a integración profesional da muller desde unha perspectiva histórica para comprender cal é a súa situación actual, que na súa opinión ten como reto a conciliación familia-traballo en igualdade para o home e a muller.
Para Solé a clave pasa hoxe polo feminismo reformista, “que busca unha igualdade de oportunidades respectando as diferenzas lexítimas, sen complexos de inferioridade, nin teitos de cristal”. Sinala que é o tipo de feminismo presente na Unión Europea e nas súas organizacións políticas e sociais, que promoven os actuais plans de igualdade de oportunidades. A profesora cre que neste contexto xa non ten sentido “aquel feminismo radical de Simone de Beauvoir, que fomentaba a imitación do modo de produción do home por parte da muller”. Ao seu modo de ver, o xeito de vida actual irá arrinconando este feminismo, posto que a muller que traballa tamén quere ser nai. “Ese feminismo que é hostil á maternidade, á vida humana e que promove o aborto dunha maneira radical, paréceme que ten os días contados porque no fondo é hostil á muller”, declarou.

Ir á información [1]


Impreso de Universidade de Vigo. Periodismo – Área de conocimiento 675: http://icom.webs.uvigo.es

URL de la pagina: http://icom.webs.uvigo.es/2009/12/15/gloria-sole-aposta-polo-feminismo-reformista-que-promove-a-igualdade-de-oportunidades-respectando-as-diferenzas/

URLs in this post:

[1] Ir á información: http://duvi.uvigo.es/index.php?option=com_content&task=view&id=3025&Itemid=42

Copyright © 2009 Universidade de Vigo. Periodismo - Área de conocimiento 675. All rights reserved.